屋署亂批圖則，法團陷兩難

「我夠膽講，彌敦道九成以上都係冇經業主立案法團裝招牌，因為佢哋只要向屋宇署認可嘅小型工程公司申請，再批圖則就可以整」。香港業主會會長佘慶雲（圖）坦言，全港廢棄招牌為數不少，但拆還是不拆，往往令法團及業主陷入兩難局面。

 「人人」無申請照掛20年

位於旺角窩打老道40號的寶翠大廈，3樓外牆裝有一個約三米長的「人人搬運有限公司」招牌，惟該公司兩年前搬走，招牌卻沒拆走。寶翠大廈法團主席李幼廣稱，「人人」開業近20年，招牌亦懸掛20年，「以我所知就冇同法團申請，我睇數簿都冇收佢租。不過成20年前嘅事，嗰時可能冇人理咪掛囉！我哋叫佢拆佢又唔肯，如果跌落嚟我哋好麻煩，於是話同佢出兩成清拆費，佢哋咪肯囉！」 油尖旺區區議員許德亮稱，大部份業主入伙時都不知道要承擔招牌責任，「呢區有好多舊招牌，但係一直冇人理，由年初到𠵱家為止我一共收到六、七個投訴，全部都冇解決到」。他又炮轟屋宇署的招牌檢核計劃，變相將違例招牌「合法化」，只要申請通過就冇王管，但無良商人根本無買第三者責任保險。